MoIs emergency funding necessary?

அவசரகால நிதி அவசியமானதா?

 

மக்களுக்கு நிதி நெருக்கடி என்பது எதிர்பாராத பெரிய செலவுகளாக வந்து அமைகிறது. அவை அவசரத் தொகையை சார்ந்து அமைகின்றன.

இந்த அவசரகால நிதி சேமிப்பு உங்களின்உடல்நிலை , எதிர்காலம் மற்றும் உடைமைகள பாதுகாப்பதுடன் அவசரகால நிலையில் மிகவும் உதவும் நிதியாக அமையுமாறு சேமிக்க வேண்டும்.

 

உண்மையான அவசர கால நிதிகளுக்கான சில எடுத்துக்காட்டுகள் :

 

• வேலை இழப்பு
• உங்களது ஆரோக்கியத்தை பாதுகாக்க எதிர்பாராத வரும் மருத்துவ செலவுகள்
• வாகன விபத்து அதில் ஏற்படும் சிக்கல்கள்.
• வீட்டில் கூரை அமைப்பு மின்சாரம் அமைப்பு போன்றவற்றில் எதிர்பாராத வரும் பெரிய செலவுகள்
• உங்களது குடும்பத்தில் உள்ள ஒரு உறுப்பினர் காலமானார் அவரது கடைசி பயண ஏற்பாடுகள் மற்றும் அதில் உள்ள செலவுகள்.

 

அவசர கால நிதி:

அவசரகால நிதி என்பது உங்களது வாழ்க்கையில் எதிர்பாராத சூழ்நிலைகளில் வரும் பணம் கஷ்டத்தை ஈடுகட்ட ஒதுக்கப்படும் பணம். இந்தப் பணம் உங்களை கடனில் சிக்காமல் வாழ உங்களுக்கு உதவுகிறது.

பல வங்கிகள் மற்றும் நிதி ஆலோசகர்கள் அவசர நிதியில் மூன்று முதல் ஆறு மாத சம்பளத்தை ஒதுக்கி வைக்க அறிவுரை செய்கின்றன.

இந்த பணம் வேலையின்மை மற்றும் எதிர்பாராத செலவுகளில் அதை ஈடு கட்டுவதற்கு உங்களுக்கு உதவி செய்யும். மருத்துவ சிக்கல் மற்றும் வீடு பழுது பார்ப்பது போன்றவைஇதில் அடங்கும்.

 

அவசர நிதியின் பயன்கள்

அவசர கால நிதியானது நமக்கு எதிர்பாராத நிகழ்வுகளில் ஒரு நிதி சேமிப்பாக நமக்கு பயன்படுகிறது. உங்களது சம்பளம் மற்றும் வரி செலுத்தியது போக மீதம் உள்ள பணத்தை இந்த அவசர கால நிதிக்காக சேமிக்கலாம்.

அவசர நிதியின் அத்தியாவசிய பயன்கள் :

பாதுகாப்பு :

அவசர கால நிதி என்பது குறைந்த ஆபத்துள்ள முதலீடுகள் மூலம் உருவாக்கப்பட வேண்டிய நிதி ஆகும் அதிக ஆபத்துள்ள பங்குகள், எதிர்காலத்தில் உங்களது விருப்பத்தில் உங்கள் பணத்தை அதில் வைக்காத மாதிரி இருக்க வேண்டும்.

உறுதியான மகசூல் மற்றும் குறைந்த கடன் மற்றும் வட்டி போன்ற சிக்கல்களை கொண்ட குறுகிய கால நிலையான வருமானம் மற்றும் பத்திரங்களில் முதலீடு செய்வது சிறப்பாக இருக்கும்.

திரவத்தன்மை

இந்த நிதி ஈசியாக கிடைப்பது மற்றும் அவசர காலங்களில் மிகவும் பயனுள்ளதாக இருக்க வேண்டும்.        எ னவே இதை திரவ பரஸ்பர நிதிகளில் முதலீடு செய்ய பரிந்துரை செய்கிறார்கள்.

சொத்து பிரிவில் அமைக்கப்படாமல் இருத்தல் :

அவசரகால நிதிகள் எப்பொழுதும் ஒரு சொத்தாக பார்க்காமல் நிதி நிலையாக பார்க்க வேண்டும்.

இதன் விளைவு உங்களது சொத்துக்களை அவசர கால நிதியிலிருந்து தனியாக வைத்திருக்க உதவும்.

அவசரகால நிதிக்கு ஒருவர் சேமிக்கும் அளவு

எதிர்பாராத சூழ்நிலைகளில் நிதி முதலீட்டாளர்களை பாதுகாக்க அவசர நிதி எவ்வளவு முக்கியம் என்பதையும் அது எவ்வளவு பெரிதாக இருக்க வேண்டும் என்பதை ஏன் தீர்மானிக்கும் போது அவர்களின் நிதி நிலைத்தன்மை, அவர்களது வாழ்க்கைமுறை போன்றவிஷயங்கள் முக்கிய பங்கு வகிக்கிறது.

உங்களது மாதாந்திர வருமானம், குடும்ப அளவு மற்றும் வாழ்க்கை முறை, கடன், மருத்துவம் மற்றும் பலவற்றைப் பொறுத்து இந்த அவசரகால நிதியை திட்டமிடுவது நல்லது.

குறைந்தது 3-6மாத கால செலவினங்களை அவசரகால நிதியாக அமைப்பது சிறந்தது. அவசர கால நிதியை உருவாக்குவதற்கு மிகச் சிறந்த வழி சிறியதாக தொடங்கி படிப்படியாக அதற்கு சேமிக்கும் பணத்தை அதிகரிப்பதாகும்.

உங்களுடைய வேலை ஆபத்தில் இல்லை என்றால் நீங்கள் சிறிய அவசர நிதி தொகையை வைத்திருக்கலாம்.

மாறாக நீங்கள் சுய தொழில் செய்பவராக இருந்தால உங்களது வருமானம் நிலையற்றதாக இருந்தால் உங்களிடம் ஒரு பெரிய அவசர கால நிதி இருக்க வேண்டியது அவசியம் ஆகும்.

 

 

அவசர கால  நிதியை வைத்திருப்பதன் முக்கியத்துவம்:

நமக்கு எதிர்பாராத செலவுகள் மற்றும் விபத்து எந்த நேரத்திலும் ஏற்படலாம். இதனால்நமக்கு செலவுகள் ஏற்படும். முக்கியமாக பணச் செலவாக அமையும்.

இது போன்ற சூழ்நிலைகளில் நிதி காக்கும் பிரதிநிதியை உருவாக்குவதற்கு பணத்தை ஒதுக்கி வைத்தால் நமது கடமைகளை நிறைவேற்றுவதற்கு நம்மை தயார் படுத்திக் கொள்ளலாம்.

அவசர கால நிதியை வைத்திருப்பதால் உண்டாகும் நன்மைகள் :

 

• அவசரகால நிதியின் முதல் முக்கிய நன்மை அது நமக்கு நிதி நெருக்கடியின் போது கைகொடுக்கும்.
• அவசரகால நிதி கையில் வைத்திருப்பதால் அது நமக்கு கடன் தொல்லையிலிருந்து தவிர்க்க முக்கிய பங்காக அமையும்.
• அவசர கால நிதி கையில் இருப்பதன் மூலம் பணத்தை சிறந்த முறையில் நிர்வகிக்கவும், தேவைகள் மற்றும் விருப்பங்களுக்கு இடையே உள்ள வேறுபாடுகளை அறியவும் இது உதவுகிறது.
• அவசரகால நிதி எதிர்பாராத சூழ்நிலைகளில் பணம் சிரமத்தை சமாளிப்பதற்கு மனரீதியாக உங்களை தயார்படுத்துகிறது.
• நிதி சிக்கல் போது மன அழுத்தத்தை குறைக்கிறது.
• கடன் மற்றும் சொத்துக்களை அடமானம் வைப்பது, ஓய்வூதிய நிதி போன்ற எதிர்கால பத்திரங்களில் இருந்து நம்மை மீட்டெடுப்பதற்கும் , கடினமான சூழ்நிலைகளை சமாளிப்பதற்கும் அவசரகால நிதியானது உதவுகிறது.

 

அவசர கால நிதியை உருவாக்குவதற்கான காரணங்கள்

அவசர கால நிதி என்பது நமக்கு எதிர்பாராத சூழ்நிலைகள் மற்றும் அவசர காலத் தேவைக்கு பயன்படுத்தப்படும் நிதியாகும். அவசர கால நிதி பயன்படுத்தி வீடு அல்லது கார் போன்ற ஆடம்பரங்களை வாங்க வேண்டாம்.

அவசர கால நிதி என்பது நீங்கள் எதிர்பாராத சூழ்நிலைகளில் திட்டமிடப்படாத விஷயங்களுக்கு பயன்படுத்தப்படும் நிதியாகும்.

இயற்கை பேரழிவு, கடுமையான நோய் தாக்கம், கார் அல்லது வீடு பழுது பார்ப்பு மற்றும் நீங்கள் திட்டமிடப்படாத வேறு சில விஷயங்களுக்காகவும் இது பயன்படும்.

அவசர கால நிதியை வைத்திருப்பது உங்கள் நிதி திட்டம் இடுதலில் முதல் படியாக கருதப்படும்.

திட்டமிடுதல்

அவசர காலத்தில் நிதியை சேமிக்கும் போது நீங்கள் கருத்தில் கொள்ள வேண்டிய சில விஷயங்கள்:

நீங்கள் எவ்வளவு நிதி வசதியுடன் இருக்கிறீர்கள் என்பது

உங்களது கடனுடன் எதிர்பாராத சூழ்நிலைகளை சமாளிக்கும் திறன்

உங்களதுஒட்டுமொத்த நிதிநிலை தன்மை

அவசர கால நிதியை எப்படி முதலீடு செய்வது?

உங்களது அவசர கால நிதியை முதலீடு செய்வது என்பது உங்களது தனிப்பட்ட வருமானத்தை பொறுத்து அமைகிறது. இருப்பினும் பொதுவான வழிகாட்டுதலின் மூலம் உங்களது  சூழ்நிலைக்கு தகுந்தவாறு தகுந்த முடிவுகளை எடுக்க உதவும்.

உங்களது அவசரகால நிதியை சேமிப்பு கணக்கு அல்லது நிலையான வைப்பு நிதியில் வைத்திருங்கள். ஏனெனில் உங்களுக்கு அது தேவைப்பட்டால் எளிதாக எடுக்க உதவும்.

நிதி சந்தையில் குறுகிய கால ஏற்ற இறக்கங்களால் பாதிக்கப்படாத நிதிக் கருவிகளை பார்த்து முதலீடு செய்யுங்கள். இல்லையெனில் உங்கள் அவசர கால தேவைக்கு உங்களது பணம் இல்லாமல் அழிக்கப்படலாம்.

எனவே கவனமுடன் முதலீடு செய்யுங்கள். உங்களது அவசரமான நிதியை முதலீடு செய்யும் போது உங்களது பணம் அவசர கால கட்டங்களில் கண்டிப்பாக உங்களது கைகளில் கிடைக்குமா கிடைக்காதா என்பதை உறுதிப்படுத்திக் கொண்டு பிறகு அதில் முதலீடு செய்யுங்கள்.

உங்களது பணத்தை திரவ பண்டில் முதலீடு செய்யலாம். இது குறைந்த செலவு மற்றும் மீட்டெடுப்பது எளிது.

முதலீடு செய்யும் முறை

சேமிப்பு கணக்கு

உங்களது சேமிப்பு கணக்கில் உங்களுடைய அவசர கால நிதியை சேமிக்கலாம். சேமிப்பு கணக்கின் வட்டி விகிதம் நிலையான வைப்புத் தொகையை விட குறைவாக இருக்கும்.

நிலையான வைப்பு:

நிலையான வைப்பு என்பது பாதுகாப்பான முதலீடாக கருதப்படுகிறது. உங்களது அவசர கால நிதியை பாதுகாப்பாக ஒரு ஏழு நாட்களுக்கு நிலையான வைப்பு தொகையில் முதலீடு செய்யலாம்.

திரவம் மியூச்சுவல் பண்ட் :

இந்த திரவ மியூச்சுவல் பண்டுகள் அவசரகால நிதி முதலீட்டிற்கு ஒரு சிறந்த முதலீடாக கருதப்படுகிறது. இந்த பண்டுகள் அதிக வருமானத்தை தருகின்றன. இது அதிக திரவம் மியூச்சுவல் பண்டாகும்.

குறுகிய கால கடன் நிதிகள் :

உங்கள் அவசர கால நிதி சேமிப்பிற்கு குறுகிய கால கடன் நிதிகள் ஒரு நல்ல வழி ஆகும். இந்தக் குறுகிய கால கடன் நிதிகள் நிலையான வைப்பு மற்றும் சேமிப்பு கணக்குகளை விட அதிக வருமானத்தை வழங்குகின்றன.

தொடர் வைப்பு தொகை

தொடர் வைப்பு தொகை இதில் கிடைக்கும் வட்டியானது அசல் தொகையுடன் சேர்க்கப்பட்டு மொத்தத் தொகையும் மீண்டும் முதலில் செய்யப்படும். வங்கிகளை பொறுத்து தொடர் வைப்புத் தொகைக்கான வட்டி விகிதம் உயரும். இதில் வட்டி விகிதம்  ஆண்டுக்கு 6.35 to 7.35 இருக்கும்.

கடன் அட்டைகள்

உங்களிடம் கிரெடிட் கார்டு இருந்தால் நீங்கள் செல்லும் இடத்தில் கிரெடிட் கார்டை பயன்படுத்தி மருத்துவமனையில் அல்லது அவசர காலங்களில் உங்கள் பில்களை செலுத்திக் கொள்ளலாம். செயலான செலவுகளுக்கு நீங்கள் பணம் எடுக்க விரும்பினால் நீங்கள் கிரெடிட் கார்டு பயன்படுத்திக் கொள்ளலாம்.

ஆயுள் காப்பீட்டு திட்டம்

இந்த அவசர கால உலகத்தில் வாழ்க்கையில் கணிக்க முடியாத நேரங்களில் சில துரதிஷ்டவசமான நிகழ்வுகள் நடக்கும். அதற்காக நமது பாதுகாப்பை உறுதிப்படுத்திக் கொள்வது நல்லது.

குடும்ப அக்கறை கொண்டவர்கள் ,உடல்நலம் அக்கறை கொண்டவர்கள், வாழ்க்கைக்கான அபாயத்தை குறைப்பதற்காக ஏற்படுத்தப்பட்டது தான் இந்த ஆயுள் காப்பீட்டு திட்டம். உங்களைப் பாதுகாத்துக் கொள்ள அவசர நிதியில் சில ஆயுள் காப்பீடுகள் அவசியமாகிறது.

டேர்ம் இன்சூரன்ஸ்

உங்களுக்கு துரதிஷ்டவசமாக அகால மரணம் ஏற்பட்டால் உங்கள் டேர்ம் இன்சூரன்ஸ் பாலிசியில் இருந்து உங்களது குடும்பம் இந்த பாலிசி தொகையை பெறும்.

உடல் நல காப்பீடு

பண வீக்கம் காரணமாக சுகாதார பாதுகாப்பு நிலைமை மிக விலை உயர்ந்ததாக கருதப்படுகிறது. மருத்துவமனைக்கு கட்டணத்தை செலுத்த குடும்ப மருத்துவ உரிமைக் கொள்கையை வைத்திருப்பது மிகவும் உதவியாக இருக்கும்.

இது மருத்துவ உரிமை கோரல் மற்றும் குடும்ப மிதவை பாலிசி, மருத்துவமனை கட்டணங்கள் போன்றவற்றை இது செலுத்துகிறது. முக்கியமாக உடல்நிலை காப்பீடு மற்றும் புற்றுநோய் போன்ற உயிருக்கு ஆபத்தான சூழ்நிலைகளில் ஒரு மொத்த தொகையை செலுத்தும்.

கனரா பேங்க்  எச் எஸ் பி சி லைஃப் இன்ஷூரன்ஸ் வழங்கும் டேர்ம் இன்சூரன்ஸ் பாலிசிகளை நேரடியாக வாங்கினால் ஹெல்த் கிளைம் செய்யும் போது ப்ரீமியம் செலுத்தாமல் ஆயுள் காப்பீட்டை தொடர இது உங்களுக்கு உதவும்.

விபத்து காப்பீடு

இந்த விபத்து காப்பீடு உங்களுக்கு அவசர காலங்களில் விபத்து ஏதேனும் ஏற்பட்டால் மிகவும் உதவியாக இருக்கும். சிறிய விபத்து காயங்கள் குணமாகி இயல்பான நிலைக்கு நீங்கள் சீக்கிரம் திரும்பலாம் உங்களது பணிகளை நீங்கள் பார்க்கலாம்.